Spekulohet se Ronaldo ka vendosur të largohet nga Reali në fund të sezonit

Cristiano Ronaldo ka vendosur të largohet nga Real Madridi, bëjnë të ditur mediat spanjolle.

Sipas njoftimit të El Chiringuito de Jugones, 32-vjeçari tashmë e ka informuar kreun e klubit, Florentino Perez, rreth vendimit për t’u larguar në verën e ardhshme.

Kryetari i Realit nuk dëshiron ta lejojë largimin e superyllit portugez, edhe pse ai e ka refuzuar ta rinovojë kontratën.

Ronaldo nuk është i kënaqur për faktin se Los Blancos kishin bërë përpjekje të mëdha për transferimin e Kylian Mbappes nga Monaco, para se ai të shkonte te Paris Saint-Germaini.

Kur është pyetur këtë muaj nga beIN Sports nëse do të nënshkruajë kontratë të re me Mbretërit, CR7 kishte thënë: “Nuk dua të rinovoj. Jam shumë i kënaqur me kontratën që e kam”.

Ky sezon nuk ka nisur mirë për portugezin. Ai e ka shënuar vetëm një gol në katër ndeshjet e fundit me Realin.

Po ashtu, është përmendur edhe një pakënaqësi e tij me Iscon në lidhje me festën e golit, në të cilin asistoi Ronaldo.

Nga ana tjetër, futbollisti është bërë baba i fëmijës së katërt, të parit me të dashurën Georgina Rodriquez. Ajo e solli në jetë vajzën Alana Martina. /Telegrafi/

Leave a Reply

Your email address will not be published. Required fields are marked *