Nënkryetari i LSDM-së, Muhamed Zekiri ka komentuar arrestimet e sotme të ish-funskionarëve të regjimit të kaluar.

Nënkryetari i LSDM-së, Muhamed Zekiri ka komentuar arrestimet e sotme të ish-funskionarëve të regjimit të kaluar.

Zekiri është shprehur se kryeministri Zoran Zaev është njeri i fjalës dhe se patjetër drejtësi duhet të ketë në Maqedoni, njofton agjencia e lajmeve INA.

“Njëriu i fjalës, kryeministri Zoran Zaev. Drejtësi patjetër duhet të ketë”, është shprehur ai.

Me urdhër të Prokurorisë Publike të Maqedonisë, në orët e hershme të mëngjesit të sotëm është arrestuar ish-ministri i Punëve të Brendshme, Mitko Çavkov, i cili njëherësh ishte edhe drejtor i Byrosë për Siguri Publike.

Dikasteri i policisë dhe Prokuroria Publike në Maqedoni kanë thënë se më vonë do të dalin detaje të tjera lidhur me arrestimin.

Çavkov për momentin ndodhet në Gjykatën Penale para gjykatësit për procedurë paraprake.

Mësohet se policia maqedonase ka arrestuar rreth 15 persona te tjerë, të cilët ishin pjesë e dhunës në Kuvend, më 27 prill.

Burime nga partia opozitare VMRO-DPMNE, e cila udhëhiqet nga ish-kryeministri Nikolla Gruevski, kanë bërë të ditur për Radion Evropa e Lirë se policia maqedonase ka hyrë dhe në shtëpitë e deputetëve të kësaj partie, Kërsto Mukoslit, Luben Arnaudovskit, Sasho Vasilevskit, Zhaklina Stefanovskas dhe të tjerëve.

 

 

Leave a Reply

Your email address will not be published. Required fields are marked *