Deklarata e fortë e Presidentit turk Erdogan: Po marrim kontrollin e shkollave të FETO në Shqipëri

Në një fjalim Presidenti turk Rexhep Tajip Erdogan ka përmendur edhe Shqipërinë duke treguar se po mundohet të ndërhyjë në institucionet arsimore në Shqipëri te cilat kontrollohen nga Gyleni.

“NE AVANCOJMË ÇDO DITË, FONDACIONI YNË MAARIF NË SHQIPËRI VAZHDON PROCESIN E MARRJES SË KONTROLLIT NDAJ INSTITUCIONEVE TË ATJESHME ARSIMORE.

SIGURISHT, NE VAZHDOJMË BISEDIMET. HERËT A VONË NE DO TA SHKATËRROJMË KËTË LËVIZJE. JU PËLQEN APO JO, TURQIA DO TË VAZHDOJË TË JETË GJITHNJË E MË E FUQISHME.” THA ERDOGAN GJATË NJË FJALIMI ATJE, SHKRUAN MEDIA TURKE “YENISAFAK”.

Erdogan po fliste në një fjalim para studentëve të huaj, të cilët studiojnë në Turqi, ku nuk kurseu kritikat as për vendet që mbështesin lëvizjen e Fetullah Gulen, përfshirë dhe vendin tonë.

Ai shtoi se janë marrë masat e nevojshme parandaluese që studentët të mos shfrytëzohen nga organizatat terroriste FETO, e cila, siç tha ai, është armik i islamit dhe Turqisë.

Duke iu referuar vendit tonë, Presidenti turk tha se Shqipëria për fat të keq është nën një lloj pushtimi të organizatës terroriste FETO./ lapsi

News Reporter